BEST “Work” Day Ever!

近日多了兩位新同事加入公司﹐又適逢中秋節老板就鐘意趁機搞下”花臣“﹐搞下聯誼…初時大家都好愕然﹐心諗洗唔洗咁大陣丈呀﹐搞咁多野做乜丫﹐求其食餐飯咪算囉…點知“求其”變左o係[粵式生香]擺一圍﹐食左個$398全包宴…我哋十二點左右就已經出發﹐公司休息半天…我仲著數﹐因為得我返 9 點半﹐淨係做左兩個鐘頭野到﹐哈哈~ 呢間酒樓D野食又幾好味﹐樣樣我都覺得幾好。頭盤有大蝦加芒果﹐兩樣簡直係”賣飛佛“! 之後有玫瑰汁燒春雞﹐帶子﹐焗蟹肉釀龍利柳﹐素菜卷﹐荷葉炒飯﹐上湯生麵同埋有魚翅食添! 不過我最欣賞既係果味紅咖哩焗蟹配米通﹐個汁好好味﹐唔太辣亦好吊味配合米通一絕﹐差D想叫碗白飯撈汁。食左個蟹蓋﹐因為鐘意食蟹膏﹐裡面有好多﹐正! 再食左兩個蟹鉗俾人發覺原來我係好鐘意食蟹既﹐呵呵~ 其實都盡量唔俾自己食到咁飽﹐唔係因為減肥﹐係因為甜品都係我好鐘意食既﹕ 法式焦糖焗蛋 (Creme Brulee) 同埋心太軟擂沙煎堆!!! 哦~ 實在太好味啦! 個焗蛋o岩o岩好﹐唔太甜﹐D焦糖又脆又香! 擂沙煎堆仲正﹐一啖食落去﹐D擂沙蓉即刻流出黎﹐個餡好軟熟﹐好好味~ 不過都係食得太飽﹐想食多個都唔得﹐卒之打包左返公司﹐好野! 聽日又有得食!


芒果大蝦頭盤 Red heart


紅咖哩焗蟹配米通


荷葉炒飯 &上湯生麵


法式焦糖焗蛋 (Creme Brulee)


心太軟擂沙煎堆 (真係心型架! 其實我特登影到咁! haha)

之後食完飽飽﹐去左一間預約左既房到玩遊戲。我老板唔知係咪細個無玩過大過左要玩番夠本﹐所以成日鐘意玩遊戲。今次將公司既 product training 變左分兩組比賽﹐都算幾 fun﹐佢又 meet 到佢個 purpose,我哋更加唔駛講﹐有得食又有得玩唔駛做﹐何樂而不為﹖玩完遊戲﹐大家以為散 Band 分獎品﹐點知老細話未完﹐有第三回合。仲要轉場去 FMP 個 mall 到集合。大家都拗晒頭﹐唔知去果到做乜﹐想撇…點知去到….老細竟然係到每人派$30﹐限我哋半個鐘內買樣野獎勵自己o窩﹐超級 surprised! 唯一既 rule係唔可以買俾人﹐一定要買俾自己同埋唔可以買食物﹐用剩既錢要俾返佢…所以大家分頭出發﹐我就當然一支箭咁飛去睇衫啦! 唔洗幾耐我已經物色到心頭好﹐就係我一路都想買既西裝褸﹐不過要$40﹐卒之講價$38 成交﹐倒貼 $8 哈哈~ 不過我當然好醒目咁叫個Sales 寫張 $30 既 Receipt 俾我作為"證據"啦~ 以為 mission completed, 仲有時間淨就周圍逛逛﹐點知原來開左好多新鋪頭﹐忍唔住之下竟然買多左一件褸同一對鞋﹐兩樣野加埋都係$65﹐每樣仲平過件西裝褸! 卒之係半個鐘內總共洗左成百蚊野﹐仲要9秒9咁飛返去起點回合﹐我當然係最遲到果個~ 我將件褸同鞋收埋係個手袋到 (好彩咁o岩今日心血來潮換左個大手袋! 天助我也!)不過無人信我唔駛貼錢買足$30野﹐哈哈~ 返到屋企﹐竟然收到退稅返黎既支票!!! 個銀碼仲夠津貼我用多左既錢﹐仲有多餘剩可以袋落袋添! 哈哈! 真係如有神助~ 好開心!!!  God 真係對我好好!


戰利品 Red heart

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s